അത്യാവശ്യം സ്കൂളിലും ഐ റ്റി ഐ ലും ഒക്കെ പോയി ഗള്‍ഫ്‌ പ്രതീക്ഷയുമായി ഇരുന്ന എന്നെ തേടിയും വന്നു പ്രവാസി ആകാനുള്ള കടലാസ് .... എയര്‍ പോര്‍ട്ടില്‍ നിന്ന് പെട്ടികളും വെച്ച് ട്രോളിയും തള്ളി വരുന്ന വാപ്പചിയുടെയും കുടുംബക്കാരുടെയും ചിത്രങ്ങള്‍ ആയിരുന്നു എന്റെ മനസ്സില്‍ ഗള്‍ഫ്‌ എന്ന് കേള്‍ക്കുമ്പോള്‍... ദിവസങ്ങളായി കാത്തു നിന്നു കണ്ട പെണ്ണിനോട് ഇഷ്ടം പറയാം എ...ന്ന് കരുതിയ ദിവസങ്ങളില്‍ ആണ് പറയാന്‍ സാധിക്കാതെ പത്തൊന്‍പതാം വയസ്സില്‍ ഞാനും വിമാനം കയറി (പില്‍ക്കാലത്ത്‌ അവളെ ഫേസ് ബുക്കില്‍ കണ്ടപ്പോള്‍ ഒരു തമാശ രൂപേണ അവളോട്‌ ഞാന്‍ ആ കാര്യം പറഞ്ഞു .എന്ത് കൊണ്ട് അന്ന് പറഞ്ഞില്ല എന്നുള്ള ചോദ്യം എന്റെ ഹൃദയത്തില്‍ ഒരു അമ്പ്‌ തറക്കുന്ന വേദന ഉണ്ടാക്കി )
ഞാന്‍ ആദ്യം മസ്കറ്റില്‍ എത്തിയത് ഒരു ഫ്രീ വിസയില്‍ ആയിരുന്നു (ഫ്രീ വിസ എന്തെന്ന് അറിഞ്ഞു കൂടാതവര്ക്ക് : നമ്മള്‍ കാശ് കൊടുത്തു വിസ വാങ്ങി അവിടെ എത്തി സ്വന്തമായി ജോലി കണ്ടുപിടിച്ചു ചെയ്യണം , വര്ഷം തോറും അറബിക്ക് ഒരു നിശ്ചിത തുക കൊടുക്കുകയും വേണം ) നാട്ടിലെ എഴുപത്തിയയ്യയിരം രൂപ കൊടുത്താണ് ഞാന്‍ വിസ വാങ്ങിയത് , അവിടെ എത്തി ഒരു വര്ഷം കഴിഞ്ഞു ലേബര്‍ കാര്‍ഡ്‌ പുതുക്കാന്‍ വിസ തന്ന ആളെ സമീപിച്ചപ്പോഴാണ് ആ ഞെട്ടിക്കുന്ന സത്യം അറിഞ്ഞത് എനിക്ക് തന്ന വിസ കള്ളാ വിസ ആയിരുന്നു .ഒരു അറബി അയാള്‍ ജോലി ചെയ്യുന്ന കോളേജിന്റെ സീലും സൈനും മോഷ്ടിച്ച് ഇഷ്യൂ ആക്കിയ മുപ്പതു വിസകളില്‍ ഒന്നായിരുന്നു എന്റേത് .
ഒന്നുകില്‍ പോലീസിനു പിടികൊടുത്തു തിരിച്ചു നാട്ടില്‍ പോകുക ,അല്ലെങ്കില്‍ ചാടി നിന്ന് പണി എടുക്കുക .75000 രൂപ കൊടുത്തു വന്നത് കൊണ്ട് ഉടന്‍ നാട്ടില്‍ പോകാന്‍ മനസ്സ് വന്നില്ല ,ചാടി നിന്ന് പണി എടുക്കാന്‍ തന്നെ ഞാന്‍ തീരുമാനിച്ചു .അങ്ങനെ നൂറു റിയാല്‍ ശമ്പളത്തില്‍ ഒരു കമ്പനിയില്‍ വെല്‍ഡര്‍ ആയി ഞാന്‍ ജോലി ആരംഭിച്ചു ... പാര വെയ്പ്പ് എന്താണെന്ന് ഞാന്‍ മനസ്സിലാക്കിയ നാളുകള്‍ ആയിരുന്നു അത് ..അവിടെ ഉണ്ടായിരുന്ന ഹെല്‍പ്പര്‍മാര്‍ എല്ലാരും എന്നേക്കാള്‍ ഒരുപാട് വയസ്സിനു മുതിര്‍ന്നവര്‍ ആയിരുന്നു അറുപതു മുതല്‍ എണ്പതു വരെ ആയിരുന്നു അവരുടെ ശമ്പളം .. ഇന്നലെ വന്ന പയ്യന്‍ നൂറു റിയല്‍ ശമ്പളം വാങ്ങുന്നു എന്നത് അവര്‍ക്ക് ആലോസരമുണ്ടാക്കി ..ഒമാനില്‍ പൊതുവെ ശമ്പളം കുറവാണ് ഒരു ഒമാനിയുടെ മിനിമം ശമ്പളം ആ കാലത്ത് നൂറ്റി ഇരുപതു റിയാല്‍ ആയിരുന്നു ...
എന്റെ പണിയുടെ ആത്മാര്ത്തത കൊണ്ട് എന്റെ ലേബര്‍ കാര്ഡ്ന തീര്ന്നി ട്ടും ആ കമ്പനി എന്നെ പറഞ്ഞു വിട്ടില്ല ,തുടര്ന്ന് ജോലി ചെയ്യുവാന്‍ അനുവാദം തന്നു . അങ്ങനെ എന്റെതല്ലാത്ത കാരണം കൊണ്ട് ഞാന്‍ അനധികൃത താമസക്കാരന്‍ ആയി . മാസം നാട്ടില്‍ പണമയക്കണമെങ്കില്‍ വാലിഡ്‌ ഐ ഡി ഉള്ള ആരുടെയെങ്കിലും കാലു പിടിക്കണം .
ശരിക്കും വിഷമിച്ച ഒരു ഗള്ഫ്ആ ജീവിതം .കിടക്കുന്ന റൂമില്‍ പതിനാറു ആളുകള്‍ ഡബിള്‍ കട്ടില്‍ ആയിരുന്നു , അതില്‍ എനിക്ക് കിട്ടിയത് മുകളിലത്തേത് ആയിരുന്നു , ഞാന്‍ ഓരോ പ്രാവശ്യം കയറുമ്പോഴും താഴെ കിടന്ന പാവം കണ്ണൂര്ക്കാരന്‍ ചന്ദ്രന്‍ ചേട്ടന് ഭൂമി കുലുങ്ങുന്ന ഫീലിംഗ് ആയിരുന്നു ,ഒടുവില്‍ സഹി കേട്ട് പുള്ളി ഒരു ക്ലാമ്പ്‌ ഉണ്ടാക്കി ഞങ്ങളുടെ കട്ടില്‍ ചുവരുമായി ഉറപ്പിച്ചു .അതിനു ശേഷമാണ് പുള്ളി മര്യാദക്ക് ഉറങ്ങിയത് ,പതിനാറു ആളു ഉള്ളത് കൊണ്ട് റൂമില്‍ ഇപ്പോഴും ആരെങ്കിലും ഒക്കെ കാണുമായിരുന്നു ,എന്തെങ്കിലും സംസാരിക്കാന്‍ . അങ്ങനെ പ്രവാസി ജീവിതം ചില്ലറ പ്രശ്നങ്ങളും സന്തോഷങ്ങളും ആയി പോയ്കൊണ്ടിരിക്കുമ്പോള്‍ ..
തുടരും...
No comments:
Post a Comment