ആത്മാര്‍ഥതയോടെ ജോലി ചെയ്യുന്നത് കൂടെ ഉള്ളവര്‍ക്ക് ഇഷ്ടപെടില്ല എന്നുള്ളത് എന്റെ അനുഭവത്തില്‍ നിന്നുള്ളതാണ് . ഞങ്ങളുടെ കമ്പനിക്കു ഒരു അച്ചടിശാല ഉണ്ടായിരുന്നു , ഒമാന്റെ പല സര്‍ക്കാര്‍ രേഖകകളും ( പാസ്പോര്‍ട്ട്‌, ലൈസന്സ് , ലേബര്‍ കാര്‍ഡ്‌ തുടങ്ങിയവ ) ആ അച്ചടിശാലയില്‍ ആണ് അച്ചടിച്ചുകൊണ്ടിരുന്നത് . ഞങ്ങള്‍ക്ക് ആര്‍ക്കും അതിനുള്ളില്‍ പ്രവേശനം ഇല്ലായിരുന്നു , ഓരോ റൂമിലും നാല് സെക്യൂരിറ്റി ക്യാമറ വീതം ഉണ്ട് അതുപോലെ അതിനകത്ത് കടക്കണമെങ്കില്‍ പല സെക്യൂരിറ്റി ഡോറുകള്‍ വിരല്‍ വെച്ച് പഞ്ച് ചെയ്തു വേണം പോകാന്‍ . കമ്പനിക്കു ഏറ്റവും കൂടുതല്‍ വരുമാനം ഉള്ളത് അവിടെ നിന്നയിരുന്നതിനാല്‍ അവിടത്തെ ഒരു കാര്യങ്ങള്‍ക്കും മുടക്കം വരാറില്ലായിരുന്നു .
അവിടുത്തെ വേസ്റ്റ് ഗാര്‍ബെജു ബാഗില്‍ കെട്ടി അതിനു പുറത്തുള്ള ഒരു മുറിയില്‍ ഇട്ടിരിക്കും .ലേബര്‍ കാര്‍ഡ്‌ മുറിച് എടുത്തതിനു ശേഷമുള്ള പ്ലാസ്ടിക്കും, പേപ്പറുകളും ആയിരുന്നു വേസ്റ്റ് . മിക്ക ബാഗുകളും 15 കിലോക്ക് മുകളില്‍ ഭാരം ഉള്ളതാണ് . എല്ലാ വ്യാഴാഴ്ചയും ഞങ്ങളുടെ സെക്ഷനില്‍ നിന്ന് രണ്ടു ആള് പോയി ഇത് ലോഡ് ചെയ്തു മുനിസിപാലിറ്റിയുടെ ഡമ്പിംഗ് ഏരിയയില്‍ കൊണ്ട് പോയി കളയണം ,,
ആ സ്ഥലം നിങ്ങളില്‍ പലരും കണ്ടു കാണില്ല .. അതൊരു നരകമാണ് .. രാവിലെ ഒരു വണ്ടി വന്നു വേസ്റ്റ് ബോക്സ്‌ അതില്‍ തട്ടിയിട്ടു കൊണ്ട് പോകുന്നതെ നിങ്ങള്‍ കണ്ടു കാണുകയുള്ളൂ .. അത് കൊണ്ട് തട്ടുന്ന സ്ഥലത്തിന് കിലോമീറ്റര്‍ മുന്‍പേ തന്നെ ഈച്ചയുടെ ശല്യം തുടങ്ങും ,,
സേഫ്ടി ഗ്ലാസും മാസ്കും വെച്ചേ ഞങ്ങള്‍ അങ്ങോട്ട്‌ പോകാറുള്ളു.
ഞങ്ങളുടേത് പേപ്പര്‍ ആണെങ്കിലും അത് എടുത്തു കളഞ്ഞു കൊണ്ടിരിക്കുമ്പോള്‍ ആ റോഡിലെ വേസ്റ്റ് എടുക്കുന്ന വണ്ടി ഞങ്ങളുടെ അടുത്ത് കൊണ്ട് വന്നു വേസ്റ്റ് തട്ടും ,, പടച്ചവനെ ഒടുക്കത്തെ നാറ്റമാണ് ..
അങ്ങനെ ഒരാഴ്ച അവിടുത്തെ വേസ്റ്റ് എടുക്കാന്‍ തിരക്ക് കാരണം ഞങ്ങളുടെ സെക്ഷനില്‍ നിന്ന് ആള് പോയില്ല . അടുത്ത വ്യാഴാഴ്ച രാവിലെ ആയിട്ടും ആള് ചെല്ലാത്തത് കൊണ്ട് അവര്‍ ഹെഡ് ഓഫീസില്‍ പരാതി പറഞ്ഞു , അവിടെ നിന്ന് മിസൈല്‍ പോലെ ഫാക്സ് ഞങ്ങളുടെ സെക്ഷന്‍ ഓഫീസില്‍ വന്നു , ഒരു മണിക്കൂറിനകം പ്രസ്സിലെ വേസ്റ്റ് എടുത്തില്ലെങ്കില്‍ പ്രത്യാഘാതം ഗുരുതരമായിരിക്കും എന്ന് കാണിച്ചു കൊണ്ട് . കാരണം ആ മുറി നിറഞ്ഞിരുന്നു അവര്‍ക്ക് വേസ്റ്റ് ഇടാന്‍ സ്ഥലമില്ല . രണ്ടു ആഴ്ചത്തെ വേസ്റ്റ് ആയതിനാല്‍ സാധാരണ ഗതിയില്‍ നാല് ആളിന്റെ ജോലി ഉണ്ട് .
ഞങ്ങളുടെ സെക്ഷനില്‍ നിന്ന് നാല് ആള് ഒഴികെ ബാകി എല്ലാരും സൈറ്റില്‍ പോയി . ഒന്ന് ഞാന്‍ , പിന്നെ ഒരു മഷീന്‍ ഓപ്പറേറ്റര്‍ , ഒരു ഒമാനി എലെക്ട്രീശന്‍ (നിയമം കൊണ്ട് മാത്രം കയറിപറ്റിയവന്‍ ), ഒരു സീനിയര്‍ വെല്‍ഡര്‍ .. ഓഫീസില്‍ മാനേജരും സെക്രട്ടെരിയും മാത്രം , അങ്ങനെ ഞങ്ങളെ നാല് പേരെയും ഓഫീസിലേക്ക് വിളിച്ചു മനജേര്‍ .
എന്നിട്ട് കാര്യം പറഞ്ഞു , നിങ്ങളില്‍ ആരെങ്കിലും രണ്ടു പേര്‍ പോകണമെന്ന് , ഒമാനി പറഞ്ഞു " അന കഹ്രബായി ഹാദാ മാഫി ശുകില്‍ മല്‍ അന " (ഞാന്‍ ഇലക്ട്രീഷന്‍ ആണ് ഇതെന്റെ ജോലി അല്ല )
അടുത്തത് മഷീന്‍ ഓപ്പറേറ്റര്‍ പറഞ്ഞു വര്‍ക്ഷോപ്പിന്റെ പുറത്തു ഞാന്‍ പണിക്കു പോകില്ല , അടുത്തത് സീനിയര്‍ വെല്ടെര്‍ പറഞ്ഞു 22 വര്‍ഷത്തെ പരിചയമുള്ള ഞാന്‍ ഈ പണിക്കു പോകില്ല , എന്നോടെ ചോദിച്ചില്ല കാരണം ഒറ്റയ്ക്ക് പോയാല്‍ തീരില്ല എന്നറിയാവുന്നതു കൊണ്ട് തന്നെ . മനജേരും സെക്രട്ടറിയും തമ്മില്‍ മുഖാമുഖം നോക്കി ദയനീയ നോട്ടം , ഞാന്‍ അങ്ങോട്ട്‌ പറഞ്ഞു സാര്‍ ഞാന്‍ പോകാം , അയാള്‍ ചോദിച്ചു അത് രണ്ടു ആഴ്ച്ചതെത് ആണ് നീ ഒറ്റക് മതിയാകില്ല , ഞാന്‍ പറഞ്ഞു സാര്‍ വേറെ പോംവഴി ഇപ്പോള്‍ ഇല്ല , അത് കൊണ്ട് ഞാന്‍ ഒറ്റയ്ക്ക് ശ്രെമിച്ചു നോക്കാമെന്ന് പറഞ്ഞു .
അങ്ങനെ ഒരു 4 ടണ്‍ വണ്ടിയും ഒരു ഒമാനി ഡ്രൈവറെയും എന്റെ കൂടെ വിട്ടു , ഒമാനി വണ്ടി കൊണ്ട് പ്രസ്സില്‍ പാര്‍ക്ക് ചെയ്തു ഇപ്പൊ വരാമെന്ന് പറഞ്ഞു എങ്ങോട്ടോ പോയി ,, സാധാരണ രണ്ടു പേര്‍ ഉണ്ടെങ്കില്‍ ഒരാള്‍ താഴെ നിന്ന് വണ്ടിയില്‍ ഇട്ടു തരും മറ്റേ ആള് വണ്ടിയിട് മുന്നിലോട്ടു കൊണ്ട് പോയി ഇടും , അന്ന് ഞാന്‍ തന്നെ കുറച്ചു വണ്ടിയില്‍ ഇടും ,ഞാന്‍ തന്നെ മുകളില്‍ കയറി ഒതുക്കി വെക്കും , അങ്ങനെ ഇറങ്ങിയും കയറിയും രണ്ടു മണിക്കൂര്‍ കഠിന പ്രയത്നത്തിനു ശേഷം മൊത്തം ലോഡ് ചെയ്തു , എന്നിട്ട് തിരികെ എന്റെ സെക്ഷനില്‍ പോയി മനജേരെ കണ്ടു കാര്യം പറഞ്ഞു , മാത്രമല്ല അത് കളയുന്നിടത് പൈസ കൊടുക്കണം , അങ്ങനെ മാനേജര്‍ സന്തോഷം കൊണ്ട് ഷേക്ക്‌ ഹാന്‍ഡ്‌ തന്നു കൂടെ പൈസയും ,,, അങ്ങനെ ഞാന്‍ അത് കളയാനായി ഡമ്പിംഗ് സ്ഥലത്തേക്ക് പോയി .
ഞാന്‍ ഒറ്റക്കെ ഉള്ളു സാധരണയെക്കള്‍ സമയം എടുക്കും അവിടെ അണ്‍ ലോഡ് ചെയ്യാന്‍ മാസ്ക് വെച്ച് പണി തുടങ്ങി എങ്കിലും അവിടുത്തെ നാറ്റം മാസ്കും തുളച്ചു കയറിയിരുന്നു , കഴിയുന്നത്ര വേഗത്തില്‍ പണി തീര്‍ത്തു അവിടെ നിന്ന് ജീവനും കൊണ്ടോടി .. തിരികെ കമ്പനിയില്‍ എത്തിയപ്പോഴേക്കും ഒരു മണി ആയി വിശന്നിട്ടു വയറു കത്തുന്നു .
മനജേര്‍ പറഞ്ഞു ഇന്നത്തേക്ക് ഇത്ര മതി പോയി ഫ്രഷ്‌ ആയി ആഹാരം കഴിച്ചു റസ്റ്റ്‌ എടുത്തോ എന്ന് പറഞ്ഞു ,, ഞാന്‍ അങ്ങനെ ആഹരം കഴിച്ചു റൂമില്‍ കിടന്നു ക്ഷീണം കാരണം ഒന്ന് മയങ്ങി , വൈകിട്ടായപ്പോള്‍ റൂമില്‍ ഒരു ബഹളവും അലര്‍ച്ചയും കേട്ടാണ് ഞാന്‍ ഞെട്ടി ഉണര്‍ന്നത് .
സൈറ്റില്‍ പോയി വന്നവര്‍ ഞാന്‍ ഒറ്റയ്ക്ക് വേസ്റ്റ് കളയാന്‍ പോയത് അറിഞ്ഞുള്ള പ്രശ്നമായിരുന്നു . എന്നോടെ ചോദിച്ചു നീ എന്തിനാ ഒറ്റയ്ക്ക് കളയാന്‍ പോയത് ( അത് സ്നേഹം കൊണ്ടായിരുന്നില്ല ) നാളെ ഞങ്ങളെയും ഒറ്റയ്ക്ക് പറഞ്ഞു വിടില്ലേ . ഞാന്‍ പറഞ്ഞു ആ സമയം ഞാന്‍ പോയില്ലെങ്കില്‍ ആകെ പ്രശ്നം ആകുമായിരുന്നു , അതൊന്നും അവര്‍ കേട്ടില്ല വായില്‍ തോന്നിയത് അവര്‍ വാ കഴക്കുന്നത് വരെ പറഞ്ഞു , ഞാന്‍ മിണ്ടാതെ നിന്ന് കേട്ട് കാരണം രണ്ടു കയ്യി കൊട്ടിയാലല്ലേയ് ശബ്ദം കേള്‍ക്കുകയുള്ളൂ ..
അന്ന് വെള്ളമടി സമയത്തെ പ്രധാന വിഷയം ഞാന്‍ ആയിരുന്നു , എന്തൊക്കെയോ പറഞ്ഞു ഞാന്‍ ചെവി കൊടുത്തില്ല . വെള്ളമടി കാര്യം പറഞ്ഞപ്പോഴാണ് ഒരു കാര്യവും കൂടെ പറയണം എന്ന് തോന്നിയത് ,, പതിനാറു ആളുകള്‍ ഉള്ള റൂമില്‍ ഞാനും വേറെ രണ്ടുപേരും ഒഴികെ ബാക്കി പതിമൂന്നു ആളും നല്ല വെള്ളമടിയാണ്. കാശ് ഉള്ളപ്പോള്‍ അവര്‍ നല്ല സാധനങ്ങള്‍ വാങ്ങി കുടിക്കും ഇല്ലാത്തപ്പോള്‍ , ഒമാനിലെ മിക്ക സൂപ്പര്‍ മാര്കെട്ടുകളിലും കിട്ടും ഈഗിള്‍ എന്നാ പേരില്‍ ഒരു സാധനം സാധാരണ ഇത് ടോയിലെറ്റ് കഴുകാനാണ് ഉപോയോഗിക്കുന്നത് . വില വളരെ കുറവാണ് ഇതൊരെണ്ണവും ഒരു പെപ്സിയും കൂടെ വാങ്ങിയാല്‍ മൂന്നു ആളിന് സുഖമായി പാമ്പാകം .. വിലയോ പത്തിലൊന്ന് മാത്രമേ ആകുന്നുള്ളൂ ,
വെള്ളിയാഴ്ച മുഴുവന്‍ സമയവും കുടിക്കുന്ന ചിലര്‍ക്ക് ശനിയാഴ്ച രാവിലെ തല പൊങ്ങില്ലയിരുന്നു, അവര്‍ സുഖമില്ലന്നു പറഞ്ഞു കിടന്നു ,ഹെഡ് ഓഫീസില്‍ നിന്ന് ഇ കാര്യം ശ്രദ്ദിക്കാന്‍ തുടങ്ങി ശനിയാഴ്ച മാത്രം ചിലര്‍ ആബ്സേന്റ്റ് , ഒടുവില്‍ പുതിയ മെമോ വന്നു വ്യാഴമോ ശനിയോ ആരെങ്കില്‍ കാരണം ഇല്ലാതെ ആബ്സേന്റ്റ് ആയാല്‍ മൂന്നു ദിവസത്തെ ശമ്പളം കട്ട് ചെയ്യും . ചിലര്‍ എന്നിട്ടും കിടന്നു കമ്പനി ശമ്പളം കട്ട് ചെയ്തു , അവര്‍ ആ മാസം കട്ടിംഗ് കഴിഞ്ഞു കിട്ടിയ പൈസ കള്ളിന്റെ അക്കൌന്റ് തീര്‍ത്തു കഴിഞ്ഞപ്പോള്‍ മെസ്സിന് കൊടുക്കാന്‍ ഇല്ലാത്ത അവസ്ഥ ആയി . ഗള്‍ഫില്‍ ഒരാള്‍ നന്നാവണമെങ്കില്‍ അവനവന്‍ സ്വയം വിചാരിക്കണം അല്ലാതെ ഒരു രക്ഷയും ഇല്ല
അപ്പോഴേക്കും ഒമാനില്‍ എന്റെ നീണ്ട മൂന്നു വര്ഷം പൂര്‍ത്തിയായി , ആ ഗ്രൂപ്പ്‌ ഓഫ് കംപനീസില്‍ പുറത്തെ വിസക്കാരന്‍ ഞാന്‍ മാത്രം ആയി , ഇടക്ക് ഒരു ലേബര്‍ ചെക്കിംഗ് ഉണ്ടായത് കാരണം ( വേറെ സെക്ഷനില്‍ ) പുറത്തെ വിസക്കാരെ എല്ലാപേരെയും പിരിച്ചു വിടാന്‍ എം ഡി ഉത്തരവിട്ടു. മനജെരുടെയും ഫോര്മാന്റെയും ശക്തമായ ശുപാര്‍ശ കാരണം എന്നെ മാത്രം തുടരാന്‍ അനുവദിച്ചു , എന്റെ ആത്മാര്തതക്ക് കമ്പനി തന്ന അംഗീകാരം .. അങ്ങനെ എന്റെ ഗള്‍ഫ്‌ ജീവിതം പൊയ്ക്കൊണ്ടിരിക്കുംപോള്‍ ഒരിക്കലും മറക്കാന്‍ പറ്റാത്ത ഒരു അനുഭവം ഉണ്ടായി ..ഓര്‍ക്കുമ്പോള്‍ എനിക്ക് ഇന്നും പേടിയും ഞെട്ടലും ആണ് ....
തുടരും...
No comments:
Post a Comment